History Of မုန့်ဟင်းခါး
- The Cinema
- Sep 30, 2022
- 1 min read
Updated: Oct 4, 2022
ဒီတစ်ပါတ်ရဲ့ဝေနေယျလေးတွေအတွက် မဂ်လာပါနဲ့တွဲမြင်တက်ပြီး အမြဲစားပေမယ့် ရိုးမသွားတဲ့မုန့်ဟင်းခါးလေးရဲ့ ဇာတ်ကြောင်း ကိုပြောပြပေးပါမယ်နော်။
မုန့်ဟင်းခါးရဲ့တီထွင်တဲ့ခုနှစ်နဲ့တီထွင်တဲ့သူကိုတော့တိကျကျမသိရပေမယ့် မုန့်ဟင်းခါးကို ကုန်းဘောင်ခေတ်စာဆို ဦးပုည၏ လကာ်များအနက်တစ်ခုတွင် မုန့်ဟင်း ဟု သုံးနှုန်းခဲ့သည်။ စာဆို တော် ဖိုးသူတော်ဦးမင်းနှင့် စာဆိုလူဦးမင်းတို့ မုန့်ဟင်းခါးအကြောင်း အပြိုင်စပ်ရာတွင်လည်း မုန့်တီဟု သုံးနှုန်းခဲ့သည်။ဒေသအလိုက် မုန့်ဟင်းခါးအား "မုန့်" "မုန့်ဟင်း" မိုဟင်းခါး" စသည်ဖြင့် အမျိုးမျိးခေါ်ဝေါကြသေးသည်။ပျူမြို့ဟောင်းကို တူးဖော်ရာတွင်လည်း ဆန်မုန့်နှင့် အချဥ်ဖောက် ပြုလုပ်သော ကိရိယာ အများအပြား တူးဖော်ခဲ့နိုင်သောကြောင့် ထမင်းအစားထိုး ဆန်ဖြင့်ပြုလုပ်ခဲ့သော မုန့်ဟင်းခါး ပေါ်ပေါက်နိုင်လောက်သည်။ မုန့်ဟင်းခါးအား ကျောက်စာ၊ပေစာများတွင် မဖော်ပြထား၊ရှေးနန်းတွင်းဟင်းချက်စာရင်းများတွင် မပါဝင်သောကြောင့် နန်းတွင်းပွဲတော်အုပ်အစားအစာမဟုတ်ဘဲ သာမန်အရပ်သူအရပ်သားတို၏အစားအစာသာဖြစ်နိုင်ကြောင်းကောက်ချက်ချနိုင်သည်။
မုန့်ဟင်းခါးသည် ဆိုင်ကြီးကနားကြီးများသာမက ပလက်ဖောင်းပေါ်ရှိ ဆိုင်ငယ်များ၊ ခေါင်းရွက်ဗျတ်ထိုး စျေးသည်များအထိ ရောင်းဝယ်ကြသည်။ မုန့်ဟင်းခါးသည် လူမျိုးဘာသာမရွေး စားသုံးနိုင်သောကြောင့် အလှူ သာရေးမှစ၍ အသုဘ နာရေးအထိ မပါမဖြစ်သောအစားအစာလည်းဖြစ်သည်။
မုန့်ဟင်းခါးကို ငါးတစ်မျိုးနှစ်မျိုးနှင့်ချက်ကြသည်။တစ်ချိူ့ငါးရှားသောဒေသများတွင် ကြက်သား အမဲသားတို့ဖြင့်ချက်ပြုတ်ကြသည်။ မုန့်ဟင်းခါးသည်ပါဝင်ပစ္စည်းများနှင့် ချက်ပြုတ်ရသည့်အဆင့်များပြားသည်။ ထို့ကြောင့်မုန့်ဟင်းခါးချက်လျှင်စည်းစည်းလုံးလုံး တစ်ပျော်တစ်ပါး ချက်ပြုတ်ကြရသည်။ ထို့အပြင်ဒေသအလိုက် မုန့်ဟင်းခါး ချက်နည်းများ အမျိုးမျိုး ရှိသော်လည်း ရန်ကုန်နှင့်ဧရာဝတီ မြစ်၀ကျွန်းပေါ် ဒေသရှိမုန့်ဟင်းခါးများမှာလူကြိုက်အများဆုံးဖြစ်သည်။ဒေသအလိုက်မုန့်ဟင်းခါးစာရင်းအားသိရှိရသလောက်အောက်တွင်ဖော်ပြပေးထားပါသည်။
ရန်ကုန်မုန့်ဟင်းခါး မြောင်းမြမုန့်ဟင်းခါး ပုသိမ်မုန့်ဟင်းခါး ဘိုကလေးမုန့်ဟင်းခါး ဟင်္သာတမုန့်ဟင်းခါး ဖျာပုံမုန့်ဟင်းခါး အင်းလေးမုန့်ဟင်းခါး တောင်ငူမုန့်ဟင်းခါး ကရင်မုန့်ဟင်းခါး ရခိုင်မုန့်ဟင်းခါး ခေါ် (အာပူလျှာပူ) ထားဝယ်မုန့်ဟင်းခါး တပင်တိုင်မုန့်ဟင်းခါး ဝါးခယ်မမုန့်ဟင်းခါး တောင်တွင်းကြီးမုန့်ဟင်းခါး ယောမုန့်ဟင်းခါး
မုန့်ဟင်းခါးသည်ပရိုတင်း၊ ကာဗွန်ဟိုက်ဒရိုတ်၊ ဓါတ်ဆားတို့လည်း ပါ၀င်သောကြောင့် ကျန်းမာရေးအတွက်လည်းအထောက်အကူပြုသည်။
ဒါဆိုရင်တော့ History Of Mont Hin Gar လေးကိုလည်းသိသလောက်လေးပြောပြပြီးသွားပြီဆိုတော့ တခြားသော အစားအစာတွေ အခြားသောအကြောင်းအရာအစုံကိုသိချင်ရင်တော့ page မှာ ဆက်လက်ဆုံတွေ့ကြမယ်နော် ။
Rosella
Comentários